Дэлхийн дулаарал, хар тамхи, хуурамч эмийн үйлдвэрлэлийн эсрэг олон улсын хэмжээний тэмцэлд эсвэл хөгжиж буй орны хүмүүстээ наад захын эрүүл мэндийн үйлчилгээ үзүүлэх чадавхийн түвшинг тодорхойлоход ганц 6 оронтой код ямар нөлөө, үүрэгтэйг төсөөлөхөд бэрх юм.
Харин 1970-аад оны эхээр маш чадвартай олон улсын экспертүүд Бруссель дахь Дэлхийн Гаалийн Байгууллага /ДГБ/-д нэг баг болон улс орнуудад улсын хилээр нь нэвтэрч буй бараанд хяналт тавих боломжийг бий болгосон барааны жагсаалтын системийг боловсруулсан. Энэ жагсаалтгүйгээр үндэсний олон хууль, тогтоомжууд, олон улсын конвенциудын хэрэгжилтийг хангах боломжгүй.
Олон улсын худалдаа илүү нарийн ээдрээтэй болох тусам, засгийн газрууд гаалийн байгууллагаас илүү үр дүнтэй ажиллахыг шаардаж, улс үндэстнүүд эгнээ дарааллан ДГБ-ын БТКУС-ийн Жагсаалтыг хууль сахилтыг хангах тулгуур багана болгож эхэлсэн. Худалдааны хөгжил, дэвшил, хил дамнасан гэмт хэргүүд БТКУС-ийн Жагсаалтыг зөвхөн нэг орны "алим" нөгөө оронд "жүрж" гэж нэрлэгддэггүй гэдгийг ялгах зорилгоор хэрэглэдэггүйг батлан харуулж байна.
Хил дээр авто замаар тээвэрлэгдэж ирсэн ачааг шалгаж буй байцаагчийн хувьд энэ систем нь ажлыг нь хөнгөвчлөх чухал мэдээлэл бөгөөд улмаар тухайн бараа, бүтээгдэхүүнтэй холбоотой шаардлагатай лиценз, зөвшөөрлийн талаар эрэн сурвалжилж, судлах шаардлагагүйгээр худалдаанд оролцогчдын цагийг нь хэмнэх ач холбогдолтой.
Уялдуулсан систем нь олон улсад Хэсэг, Бүлэг, Зүйлийн түвшинд адил бүтэц, зохион байгуулалттай ашиглагддаг нь олон улсын байгууллагууд болон ихэнх төр, засгийн газрын тэмцэхийг зорьж буй хууль бус худалдаа, гэмт хэрэг, хар тамхи, байгаль орчин болон хүн амын эрүүл мэнд, аюулгүй байдалд хор, хохирол учруулах бодис, химийн хорт хог хаягдал зэрэг тоо томшгүй олон асуудлуудыг шийдвэрлэхэд үнэтэй хувь нэмрийг оруулдаг.
No comments:
Post a Comment